يموت الفكرون وما يحكش ظهرو

سنين الله واحنا نسمعو الي الوزارة الاولى تدرس و تدرس وتدرس  وساعة ساعة ترتاح وتعاود تدرس  في تحسين اوقات العمل وفي الاخر هوباش طلعوا..
Le lundi, le mardi, le mercredi et le jeudi (double séance) :
La matinée : de 9h00 à 13h00
L'après-midi : de 14h30 à 17h45

Le vendredi et le samedi (séance unique) :
De 09h00 à 14h00.

 قلك باش يحسنو سركلايون في الشوارع .....تتزاد قنطرة وتتزاد الف كرهبة فمة عائلات اللهم لا حسد بركيغن عندهم في ديارهم وانزيدوا انحسنولهم الثنية على حساب الموظف موش ياسر على الجحيش .....اما سركلاسيون بتاع دم الموظف خل تطلع موش مشكل زيد قلك باش يستحضقوا في الطاقة.... اما طاقة الموظف الي لاحولة ولا طاقة له من جميع النواحي .... حد ما يخمم فيه. ... اعلاه هالكلام  ......هاو اعلاه ...
.

هالتوقيت الاداري اللي تكلموا عليه مليار مرة وقالوا راو ما تنفع فيه كان الحصة الواحدة... للدولة وللموظف وجابو الف دليل.... تو زعمة احنى خير مالدول المتقدمة.....اعلاه انعاندوهم في تقديم الساعة وتوخيرها وما نعاندهمش في الحصة الواحدة زعمة ثمة احسابات اخرى المسؤولين بتاعنا فاقوا بيهم وهوما لا!!!!!!!!!!!!!!!!!


اليوم ياسيدي سالت بعض الزملاء على هالسركيلاسيون بالرغم الي ندخلو 8 .....الي هذا يقول ما تغير شي..حتى عندي زميلي مرتو تخدم في وزارة قلي هبطت معاه بالطبيعة باش ترسيلها تضيع في الوقت في الشارع ل9

حسيلو اللي طلعوا بهالتوقيت الاداري الجديد ما يكونوا كان مسؤوين كبار في الوزارة .ماركة بلاصت كرهبتو وكرهبت مرتو مضمونة يوصلو 9 ولا 10 موش مشكلة  وصغاروعندو اشكون باش اوصلهم   .......


..بالله مايعرفوش الي اكثر الموظفين يسكنوا خارج العاصمة .....واكثرهم نصف بياتة وسط العاصمة ...يعني العائلة الكل تهبط الصباح وروحو اجميع في اخر النهار .....كيف المرى تخدم 8 والراجل يخدم 9 والاولاد يقروا 8 ........تقدمولهم ساعة توخلرولهم ساعة الناس الكل مفروض عليهم لهبوط فرد وقت ولمرواح فرد وقت ........وبما انو ما فماش بركينقات بزايد حتى الي يخدم 9 يلزمو يهبط بكري باش يلقى بلاصة لنهار كامل..على خاطر جماعة 8 باش افكوا لبلايص الكل.


 هالساعة ولا ساعة ونص الي في الوسط  تكسر لكرايم لاجات لا للفطور ولا للمرواح ولا لطلان على الاولاد الي كل واحد في قاردري ...بالنسبة للرجال ما تجي كان قعدة في قهوة ...والقهاوي الي شادين المادات بلا حسااب...والنساء يدورو في الشوارع.......
 

ولذا مشكلة هالسركيلاسيون ماهياش مشكلة اشكون يخرج الاول واشكون يخرج من بعد على خاطر حتى الفصاعة من الخدمة قبل الوقت اولو مع الجماعة الي يخرجو من الاول ......الحل في الحصة الواحدة وتحسين عقلية التونسي باش يحترم خدمتو ويحترم الوقت والتوقيت وجد جدوا الي اخترع الوقت......وكان من الوزارة انقلها احنا صبرنا صبرنا كملو زيدو عويم ولى زوز دراسة المهم تقتنعوا الي الحل في الحصة الواحدة.....
 

اما حل  السركيلاسون ....ياسيدي حسنو المتروات الي تاقف وقت المطر وماتشوات الكورة ..وخرجو بعض الوزارات خارج العاصمة اعلاه ماتكونش وزارة الفلاحة في باجة ..وزارة الصناعة في صفاقس ....ياخي على كبرها البلاد.....وخلي المسؤولين لكبار يستعملو الشارتار ......اهوكة يطلعوا هوما الفوق ويفضولنا الكاياسات والبركينقات......... 


انسيت باش انقلكم الي هالتوقيت الجديد باش ازيد انفر الشباب من العرس .....على خاطر الي في الوظيفة العمومية ما تساعدوش وحدة بنكجية والا في الاسيرونس ترسيلو العام الاول فرحان بيها يشيع فيها والا يعطيها الكرهبة وياخو هو الكار ومن بعد تقيم الدنيا على اشكون باش ياخو الكرهبة واشكون باش اهبط الصغار.....


واخيرا وقتاش تعطوا للموظف حرية العيش ...وقتاش باش يبتسم للحياة....راهو  ولى روبو......كل نهارا كخوه.......طول عمرو يحلم بالحصة الواحدة باش يعيش حياتو ....وبتمتع بعايلتو ............
..ولا كيما يقول  المثل "يموت الفكرون وما يحكش ظهرو".

وانستو.......صابحة نخدم

اعماو طلى على....
اذا التونسية نطقت