Overblog
Editer l'article Suivre ce blog Administration + Créer mon blog

كيف سيبتني بانكتي لعزيزة  في اخر النهار وفي هاكة السويعة اللي نقعد فيها مع الاولاد نمرجهم بالازمة المالية في العالم  وهوما يسمعو ساكتين مانعرفش احتراما لي ..ولا يسمعو وفلتو....المهم ياخذو بخاطري......برى ياسيدي ونهار نتهتل .......اهوكة مرة واحد منهم (تضنوشي عندي طزينة ..هوما زوز الله غالب التوقيت الاداري ما خلانيش نجيب اكثر) حاصيلو   ....سي ولدي سالني ياخي فمة ازمة  ..فرحت قلت ايه هاو بدى يهتم بحكايتي ..وجيت باش انجيب ما عندي ...قلي لاموش في العالم ..في دارنا ...لفريجدار يزفر..

 

عاد ظهرتلي هالحكاية تشبه برشة لوضعنا العام ....زعمة نلقو نهار حاجة في فريجيدار لبلاد..

 

************

 

الصحيح تو...

 

المرة هذي باش نحكي على IDE (investissement direct étranger) -  يبقى يا سيدي بعد ما دخلت فينا الخوصصة دخلة قوية بالطول والعرض حتى الواحد ولى يسال كلمة patrimoine public  زعمة اخلوها في dictionnaire  والا لا ..تزدم علينا IDE ..في بالنا .l’homme blanc باش يفرهدنا..من جميع النواحي ...قلك .في بيرووات الشغل معادش تلقى حتى مطلب ..الحيطيست (البطالة اللي شادين الحيط) ريحتهم تقطعت...القهاوي باش تفرغ.........ريحة البطال معادش تسمع بيه ...ممكن الواحد يولي يخدم  3و والا اربعة خدم ...اعلاش لا ...لازم تتفرجو في الكورة وفي المسلسلات ..والا تقعدو تهرو في facebook

 

خلي عاد التكتنولوجيا الي جابوها معاهم تكذب العين وما ترى ....شي من ورى العقل ..والحذاقة ...اي راهم حاذقين حذاقة ..تقول صفق...الورقة يستعملوها من الشريتين... واوراق لاستعمال الداخلي نص لباس  واوراقsuper    للاستعمال الخارجي  كيما انقول نحنا احوايج لكل يوم واحوايج للخرجة....وغيرو اما لحذاقة لكبيرة يسعملوها على الخدام بالنسبة ليهم لقمة باردة جاتهم – خدامة باقل كلفة واكثر طاعة -..معتمدين على عقود التشغيل لمدة محدودة والمناولة والتشغيل بوقت جزئي وهات مالفضايح اش خلاهم اول ما طاحت بيهم  طاحو اطردو فيهم ..مع هشاشة قدرة النقابات ..جات حلق

 

... زيد الدولة شيختهم ببرشة قوانين لفايدتهم كيما الاعفاء مالضرائب ......بالله هوما ضياف ويدفعو حق لعشاء ...واحنا اش قاعدين نعملو ...الضرايب على ما تضرب فينا مالاجناب الكل الواحد ولا يخلي شوية صرف كيف يشري الخبز والا لحليب ..فرصة يعود روحو....تجيهشي صدمة باش يدفع ضريبة على الخبز ترصيلو في اضريبة وعينو زرقة واشوف فين باش ابات...لمحالة موضوع الضرايب مغلب علي زادة تو انخصصلو صفحة

 

كيما تساهمIDE  في تعزيز التعاون …….بين اشكون واشكون الله اعلم الي يعرف يقلي ما تقولوليش بركة بين البلدان

 

 

************************

D’après l’organisation de coopération et de développement économiques »  l’IDE n’a pas forcément de retombées positives sur la performance des entreprises locales. Dans certaines conditions, la concurrence étrangère peut conduire à l’éviction des entreprises locales, en les empêchant de mener leurs activités à une échelle efficiente sur le plan économique.

 

 

 

المرصد التونسي للحقوق والحريات النقابية

تونس في 27/01/2009

دفاعا عن حقوق و كرامة عمال وعاملات النسيج

أرسل إلينا أحد المواطنين مشكورا شريط فيديو يحتوي على مقاطع من شريط وثائقي أنجزته القناة التلفزية الثالثة الفرنسية حول مستثمر فرنسي  وصاحب مصنع نسيج في تونس و يبرز هذا الشريط بكل وضوح تردي ظروف العمل في مصنع هذا المستثمر إضافة إلى سوء المعاملة التي تلقاها العاملات .

إن المرصد يأسف على وقوع هذه التجاوزات في حق عاملات أبرياء وهو يأمل ان تتكاتف مجهودات كل التشكيلات النقابية ومؤسسات المجتمع المدني المدافعة عن حقوق الإنسان للتصدي لهذه الممارسات الخارقة لكل القوانين والمتجاوزة لكل الأعراف وذلك من خلال حملة وطنية تجبر هؤلاء الأعراف على تطبيق حد أدنى من القوانين الجاري بها العمل في تونس حفاظا على حقوق العمال والعاملات واحتراما لكرامتهم الإنسانية.

إن المرصد يشدد على ضرورة أن تخضع كل المصانع والمؤسسات الأجنبية العاملة في تونس إلى القوانين الجاري بها العمل وتحديدا إلى مجلة الشغل بكامل فصولها وتفاصيلها لان ذلك وحده الكفيل بتوفير سلم اجتماعية ومنع كل احتقان أو توتر في صفوف العاملات والعمال.

جميعا من اجل فرض الحقوق والحريات النقابية.

Tag(s) : #j'accuse
Partager cet article
Repost0
Pour être informé des derniers articles, inscrivez vous :