اسمعوا يا حُضّار ....هالخُنّــــــار

بن علي طاش ورحــــل

خلّــى البلاد غارقة في الوحــــل،

حفرة من الدّمار وكومة زبــــل

ناس لاهية بناس

وناس تقول نحنا الكُلْ في الكـُـــلْ،

ناس لفاعي في قُجـرات

تلسع من غير ما تملل

وكبار الحومة نايمين في العســـل

لََمن ظهر ولَمن يطل

وناس ترْهب في ناس

مكبْشة في المناصب كالقمــل

ما في بالهم الّي راس القرْطلّة تحــــل

طاح وسرْسب وراه رُيّاس الـــدُول

وناس عبيد لناس نسو من اعتزّ بغير اللــــــه ذل

مواصلين في الصبّة والتلحيــــس

يحبو بالسيف يطيحو الكيلو بالرطل

هالناس الكل

لازم يجيهم انهار ويتْكبُّو كَبة بغـل من راس الجبـــــل،

طفح الكيل والامر ما عاد يُحتمـــل

قالو ناس بكري الحق يَعْلو ولا يُعلى عليـــه

وبإذن اللّه لازم ثمّة حـــــــــــــــــــــــــــــل

 سلوى العرفاوي