سي صالح موش لاقي حل خمم طلع اهبط خايف لايكون الحل في ميترو حبل اعلاه هاو علاه

سي صالح عندو صاحبو سي لمقص هو سماه سي لمقص على خاطر طول النهار شاددلو فمو هو يجي يتكلم وهو يقص عليه لكلام وبكل لباقة يقلو يا سي صالح انقص على حديثك بالعسل ---- وشدو مدة على هالحال وكيما يقولو الواحد كيف يكثر مالعسل يمصات ----هذاك الي خلى سي صالح يهرب من سي المقص اول ما سمع الي جابو للبلاد بحر جديد اسمو النات فرح المغبون وقال الواحد تو باش يبرد على حالو وعلى قلبو وطفي النار الي شعلهالو صاحبو سي المقص اي من حينو وخر وقدم وتبلنجى وهو غاطس يحس بروحو مخنوق يتفس بالسيف وحبل في عنقو يكركر فيه حتى خلاه يعوم في الشايح هز راسو يلقى طرف لحبل في يد واحد ما يتوصفش قلو سي صالح بصوت مبحوح اشكون سيادتك جاوبو السيد انا عمار بعثي ليك سي المقص وصاني عليك------الراجل يحبك برشة وخايف عليك لتغرق

ومن وقتها وسي عمار لاسق في سي صالح السيد يجي باش يبحر في الافتراضي  وسي عمار يخرطفو ويقلو نفترضو انك غرقت في المواقع التي تحرض على العنف والكراهية والمواقع الإباحية

اي كيف ماعاد بيها وين خمم سي صالح  باش يشكي حالو لصاحب البحر الا وهو وزارة  تكنولوجيا الاتصال-----سمعشي بيه سي عمار مالفجر عيط لصحابو عميرة وعميرات وحصرو سي صالح وحلفو عليه بالليمينات الا ما يعدو النهار معاه فقط باش يحافضو عليه وصاهم عليه سي عمار قاللهم انحبكم تقوموا برقابة صارمة على  سي صالح هكالراجل عمرو ما يكبر في عيني خوكم اصغير اجيش منو انسيبوه وحدو نهار سبت في شارع لحبيب بورقيبة

كان من سي صالح احمد ربي الي مازال حيط مبكى بوك موجود باش ينوح عليه اما خايف لنهار يقصو عليه الضو وقولولو باش انحافضو على البيئة ارجع للشمع

  MANIF CONTRE LA CENSURE EN TUNISIE

http://www.facebook.com/home.php?#!/profile.php?id=1523124904