le malheur des riches fait le pire cauchemar des pauvres

A l'heure où la crise financière se transforme en crise sociale, et  la situation des menages tunisiens se dégrade à vitesse accéléré, nos responsables nous promettent des jours meilleurs, voir reduire le taux de chomage, améliorer le pouvoir d'achat, des plans sociaux de toutes les couleurs

 en faite la fossé de la pauvreté est en train d'apparaitre entre la classe moyenne et la classe aisée qu' est de plus en plus aisée

Il se trouve que des tas de questions se posent dont les réponses ne devraient pas tarder :
Partout dans le monde parlent d'une crise sociale et nous alors ou est ce qu'on est...????.pardon on est labaisse comme toujours

 Comment éviter une conflictualité dans les entreprises du fait des suppressions des emplois ?

Pourquoi injecter des millions à des entreprises qui font chantage aux licenciements pour maintenir leurs profits ?

Comment protéger les plus faibles, les plus démunis qui seront les premières victimes de cette crise ?

Quelle crise après la crise sociale .... peut on parler de crise politique ?

كيف كل مرة تلمو هكالجماعة اللي يتشاوروا علينا ويخططولنا هاذوكم اللي اخممو في بلاصتنا على مستقبلنا ...تهذوكم اللي يعرفو مصلحتنا وين ....حسيلو طلعوا وهبطوا.......اهوكة الللي وصل لخبرقلك لحمت بيناتهم على خاطرنا ...امالا ناس نوم الليل ما يعرفوهش ....على خاطرنا .....

قلك قطعونا ويرشونا كيما حبو ..اللي قال امورنا دهورت ومعاد فيها ما يتلم...واللي قال الي العيشة ولات غالية علينا ....يحبو يعيشو وما نجموش....واللي قال المقدرة الشرائية   متاع مهدودي الدخل دهورت واللي حكى على نسبة البطالة ....حتى ميزانية الدولة جبدو عليها ...قالك هي بيدها تسخف لحجر - هات مد يا حمد - قداش منها ..وباش تترقع اهوكة طلعو كيفنا يضربولها كريدي .. على لكريديات اللي قبلها... طوييييييييييييييييييييييييل المدى ايخلصوه اولاد اولاد اولادنا ورحمو على جد والدين الاول.....(ملا ورثة باش انخلوهالهم) .........

اهوكة شهرين لتالي زادة تلمو جماعة اخرين موش بعاد عليهم برشة في القرابة ....قلك تلمو باش يبردولنا على قلوبنا..ايعنم سيدي... قلك باش يعملو مجهودهم من هنا العام 2011 باش ينقصو من نسبة البطالة ويحسنو المقدرة الشرائية ويزرعو الشركات كان الزم انفيترو وباش يشيخونا شيخة ما ثماش ووووو....وزيد سي مامغلي ( Chokri Mamoghli, secrétaire d'Etat tunisien chargé du commerce Extérieur,) طمنا الي باش تصير  déflation عام 2009 واللي فمة  تخفيض كبير في  الثنية  في اسعار بعض المواد الي نستعملوها برشة ...  ....واللي يستنى خير ملي يتمنى...

وهوما  يادوب كملو حديثهم وتقيم  الشركات تطرد في الخدامة ...هوما يطردو من قبل وزادت عليهم هالكريز ...تقول الخدام هو المتسبب فيها .....في كل الحالات ما تجي كان على راسو.......زيد سوم لحليب ولي 970 مي ,,,عدو الواحد باش يشريه من الفرماسي ...مانحكيوش على المواد الغذائية الاساسية الاخرى..خاصة الي وصيو عليها في الصغار باش ياخذوها في فطور الصباح....

وما خفي كان اعظم.....

تو بالله ما يعرفوش اللي عجلة الاقتصاد تدور بالاستهلاك ...اذا المستهلك  امورو تاعبة ماو يطيح ما في عينو بلة وعجلة لاقتصاد تترخف... حصيلو كلو مربوط ببعضو...واذا واحد فلت ....منو الحبل ماعندو وين يمشي الطامة والعامة الكل وراه .

l'argent ne fait pas le bonheur......