نفهم ولا ما نفهمشي

تو بالله حطو ارواحكم في بلاصتي، انا الي قالو علي مدرسة إن أعددتها...والباقي تعرفوه،....جاني ولد من اولادي وقلي كيفاش سي بولحية معارض وي أيد في نفس الوقت ..آش باش انقلو بالله....  فروخ آخر ازمان يدخلو في أرواحهم في حاجات أحنا بيدنا مافهناهاش..... أيا تبعو الانتخابات الامريكانية وسكتنا عليهم بصراحة انا القيت فيها فايدة راو كل ما نطلب منو خدمة يقلي  يس وي كان وانا انرحم على ام اوباما عاونتني لحقيقة هكا لمرى عن بعد.... باهي وتو آش باش نقول للطفل ...وهو لاسق في الانترنات وتبع في الانتخابات..وكل مرة يرميلي سؤال تظربني البهتة ..وانحير باش انجاوبو ..يمشيش يقول هالمدرسة اللي مازال عندو فيها الامل باش تطفى زادة..ومعادش تعلم....خممت باش انقلو ...المسامح كريم...قلت يشيخ علي بالضحك.....قلت برى انقلو ماو الفازا عاملينها بلعاني باش ما يصعبوش على الجيل الجاي مادة التاريخ ...حتى هذه ظهرتني موش باش يستوعبها ....
حرت بصراحة ......  مالا كان يعرف الي الحملة الانتخابية من فلوسنا .....واولاد هالوقت احكي في  كل شي كان الأنا ...اقسم بالله إلا ما يهد عليهم في الوقت ..فلوسنا تمسها باش باش نشري النايك وزارا...وووو ...
باش منزيدش ندخل معاه في التفاصيل  ونحل على روحي باب بلى قتلو تو تقراوها في مادة التربية الوطنية ...قلي ما ماعادش وطنية ولات مدنية .......حتى قعدت كلمة في كتاب زادو فسخوها ..اللطف. 

ما فهمتش كيفاش باش انفهموهالحكاية  وليت باسم الي ما تتسماش......قصيت عليه  الانترنات....وقتلو تو نفهم وانفهمك.....